Directritzes d'entitats europees

Comitat Europèu de Proteccion de Donades

Eth Comitat Europèu de Proteccion de Donades (CEPD) ei un organ independent creat per RGPD. Entre es sues foncions i a era de garantir qu'er RGPD e era Directiva sus proteccion de donades en encastre penau s’apliquen de manèra coerenta en toti es estats membres. Ei a díder, que s’apliquen de manèra unifòrme entà per'mor que toti es ciutadans dera UE agen es madeishi drets independentament deth sòn lòc de residéncia.

Egaument, eth CEPD promò era cooperacion entre es autoritats nacionaus de proteccion de donades e les encoratge a collaborar e compartir informacion e bones practiques entre eres. Ath delà, eth CEPD assessore era Comission Europèa sus qüestions de proteccion de donades e sus quinsevolha prepausa de legislacion dera UE d’especiau importància entara proteccion de donades personaus.

 En exercici d’aguestes foncions:

• Adòpte conclusions sus coeréncia, destinades a garentir que toti es organismes reguladors nacionaus interprèten er RGPD de manèra coerenta, per exemple en casi qu'afècten dus o mès païsi.

• Aufrís orientacions generaus (coma directritzes, recomanacions, guides e bones practiques)entà informar sus er RGPD.

Es directritzes aprovades peth CEPD esclarissen e illustren damb exemples concrèts eth nau encastre legau resultant der RGPD.

Es conclusions sus coeréncia, parièr qu'es directritzes, recomanacions, guides e bones practiques deth CEPD se pòden consultar ena sua pagina web.

Supervisor europèu de proteccion de donades

Eth Supervisor europèu de proteccion de donades (SEPD) ei er organisme encargat de garentir eth dret ara proteccion de donades dera ciutadanetat enes sues relacions damb es institucions e organismes dera UE.

En exercici des sues foncions eth SEPD:

• Supervise eth tractament des donades personaus per part dera administracion dera UE.

• Assessore es institucions e es organismes dera UE sus eth tractament des donades personaus, e sus es politiques e era legislacion sus açò.

• S’encargue des reclamacions contra es institucions o organismes dera UE quan un ciutadan considère qu'aguesti an enfranhut eth sòn dret ara proteccion de donades. Egaument, realize investigacions en relacion ad aguestes reclamacions.

• Collabòre damb es autoritats nacionaus des païsi dera UE entà garentir era coeréncia en proteccion de donades.

• Hè ua seguida des naues tecnologies que pòden auer incidéncia ena proteccion de donades.

Er SEPD aplique eth  Reglament 2018/1725 que, en tot seguir es critèris der RGPD, fixe es règles en matèria de proteccion de donades ath laguens des institucions dera UE. 

Conselh d’Euròpa

Eth Conselh d’Euròpa ei ua organizacion internacionau fondada entà deféner es drets umans, era democracia e er estat de dret en Euròpa. Pr'amor qu'ei ua organizacion internacionau, eth Conselh d’Euròpa a capacitat entà impulsar eth compliment de determinadi acòrds internacionaus artenhudi pes estats membres sus diuèrsi tèmes. Er organ mès coneishut deth Conselh d’Euròpa ei eth Tribunau Europèu de Drets Umans, que foncione sus era basa deth Convengut Europèu de Drets Umans.

Eth Conselh d’Euròpa tanben elabòre recomanacions en encastre dera proteccion de donades personaus. Aguestes recomanacions an de guidar tant era activitat legislativa des estats membres deth Conselh d’Euròpa, coma era elaboracion de normatives, protocòus d’intervencion, guides de bones practiques, etc.