Normativa de proteccion de donades

Eth 2016 s'aprovèc eth Reglament (UE) 2016/679 deth Parlament e deth Conselh, de 27 d’abriu de 2016, relatiu ara proteccion des persones fisiques per çò qu'ei deth tractament de donades personaus e ara liura circulacion d’aguestes donades (RGPD), peth quau se derògue era Directiva 95/46/CE. Er RGPD ei de plea aplicacion a compdar deth 25 de mai de 2018. Maugrat qu'er RGPD ei d’aplicacion dirècta, se considerèc convenenta era elaboracion de normes que complèten era regulacion d’aguesta matèria, compde tengut dera sua complexitat. En aguest sens, s’a aprovat era Lei 3/2018, de 5 de deseme, de proteccion de donades personaus e garentida des drets digitaus (LOPDGDD).

Per çò qu'ei de tractaments de donades personaus en encastre policièr e judiciari penau, s'an de tier en compde era Directiva (UE) 2016/680 deth Parlament e deth Conselh de 27 d’abriu de 2016, relativa ara proteccion des persones fisiques per çò qu'ei deth tractament de donades personaus per part des autoritats competentes entà finalitats de prevencion, investigacion, deteccion o enjudiciament d’infraccions penaus o d’execucion de sancions penaus, e ara liura circulacion d’aguestes donades e pera quau se derògue era Decision Quadre 2008/977/JAI deth Conselh. Aguesta Directiva a estat transpausada ar ordenament juridic espanhòu pera Lei Organica 7/2021, de 26 de mai, de proteccion de donades personaus tractades entà finalitats de prevencion, deteccion, investigacion e enjudiciament d’infraccions penaus e d’execucion de sancions penaus. En çò que tanh ara IA, s'a d'auer en compde eth Reglament d'Intelligéncia Artificiau (RIA).