- Proteccion de Donades e Auti Drets e Libertats (DPORF)
Eth Grop de Trabalh de proteccion de Donades e Auti Drets e Libertats (DPORF) comencèc eth sòn mandat dempús dera 4au Conferéncia Annau dera Assemblada Globau de Privacitat (GPA) er an 2019, damb er objectiu de destacar e promòir era relacion integrau deth dret ara proteccion de donades damb auti drets e libertats.
Eth Grop de Trabalh sus Educacion Digitau (DEWG) se creèc mejançant era Resolucion aprovada peth GPA er an 2013, “Ua educacion digitau entà toti”, e damb era encomana de proporcionar ua proteccion especifica entàs menors en relacion damb eth mon digitau. Eth DEWG impulse airines entà qu’es autoritats de proteccion de donades promòiguen era educacion digitau e ajuda a compartir experiéncies en aguest espaci comun entre autoritats.
- Etica e Proteccion de Donades en Intelligéncia Artificiau
Era 40au Conferéncia annau dera GPA acordèc er an 2018 ua Declaracion sus etica e proteccion de donades en intelligéncia artificiau qu’avale sies principis coma valors fondamentaus entara preservacion des drets umans en desvolopament dera intelligéncia artificiau. Era Declaracion establís aguest grop permanent e encargue promòir es principis dera Resolucion entà totes es parts remercables implicades en desvolopament de sistèmes d’intelligéncia artificiau, includidi es govèrns e es autoritats publiques, es organismes de normalizacion, es dessenhaires de sistèmes d’intelligéncia artificiau, es provedidors e investigadors, es enterpreses e es ciutadans e es usatgèrs finaus de sistèmes d’intelligéncia artificiau.
Hilat Iberoamerican de Proteccion de Donades (RIPD)
En encontre deth XX anniversari deth Hilat Iberoamerican de proteccion de Donades (RIPD) s’adoptèc ua Declaracion sus neurodonades e s’acordèc era creacion d’un grop de trabalh sectoriau entà analisar es bases juridiques des tractaments en foncion dera sua finalitat, e tanben des principis, es limits e es garentides d’aplicacion en encastre dera normativa de proteccion de donades personaus ath tractament des neurodonades.
Grop de Berlín (IWGDPT)
Aguest grop de trabalh se fondèc er an 1983 per iniciativa der alavetz Comissionat de proteccion de Donades de Berlin, en contèxte dera Conferéncia Internacionau de Comissionats de proteccion de Donades, e per açò se coneish coma eth “Grop de Berlin”. Er International Working Group on Data Protection in Technology (IWGDPT) s’encargue d’observar es tendéncies e desvolopaments en sector tecnologic, coma eth big data, era Internet des causes o era intelligéncia artificiau. Damb aguesta finalitat, eth grop desvolòpe recomanacions e directritzes entà utilizar aguestes tecnologies d’acòrd damb es requisits de proteccion de donades.
