Transferéncies internacionaus de donades

Quan non existirà ua decision d’adeqüacion, se poderàn efectuar transferiments internacionaus quan eth responsable o encargat deth tractament establirà es gerentides adequades, en tot respectar es drets exigibles e damb accions legaus efectives, per exemple mejançant normes corporatives constrenhentes o es clauses contractuaus tipe adoptades pera Comission Europèa.

S'es normes corporatives constrenhentes e es clauses tipe son adoptades per ua autoritat de contraròtle s’an de sométer ath mecanisme de coeréncia previst en RGPD.

Fin finau, er RGPD tanben preve ua seria de casi en qu'en abséncia de decision adequada o de gerentides adequades, se pòt realizar un transferiment, se se complís bèra ua des condicions qu'establís er article 49, per exemple, quan era persona interessada aurà dat explicitament eth sòn consentiment ath transferiment prepausat, eth transferiment sigue de besonh entara execucion d’un contracte entre era persona interessada e eth responsable deth tractament, o eth transferiment sigue de besonh per rasons importantes d’interès public.