Quan as era obligacion d’aplicar er RGPD?

Era normativa de proteccion de donades s’aplique as tractaments totaument o parciaument automatizadi de donades personaus, e tanben es non automatizadi de donades personaus contengudes en un fichèr o destinades a èster includides en un fichèr.

Era normativa s’aplique as entitats establides ena Union Europèa (UE) que tracten donades personaus, ja sigue coma responsable deth tractament o encargat deth tractament, damb independéncia de s'eth tractament s’efectue ena UE, o non.

Totun, tanben s’aplique as entitats establides dehòra dera UE, quan tractaràn donades personaus de residenti dera UE quan es activitats de tractament son relacionades damb:

• Era aufèrta de bens o servicis ad aguestes persones residentes ena UE, tant se son remuneradi coma se non.
• Eth contraròtle deth comportament d’aguestes persones residentes ena UE, ena mesura que se debane ena UE. 

Eth Reglament generau de proteccion de donades non s’aplique en cinc casi:

• Tractaments efectuadi en activitats non comprenudes en encastre d’aplicacion deth dret dera Union Europèa. 

• Tractaments efectuadi pes estats membres, en encastre de politica exteriora e seguretat comuna.
• Tractaments efectuadi per ua persona en activitats exclusivament personaus o domestiques. 

• Tractaments efectuadi pes autoritats competentes damb finalitats de prevencion, investigacion, deteccion o seguida judiciària d’infraccions penaus, o d’execucion de sancions penaus, includida era de proteccion deuant de menaces ara seguretat publica e era sua prevencion.
• Tractaments relatius a persones defuntes