Corsi

Formacion entàs Delegadi de Proteccion de Donades (DPD): Inclod accions formatives de prigondiment adrecades as DPD des institucions enquiaues en ambits competenciaus dera APDCAT, que an coma foncion principau informar e aconselhar es responsables o encargadi deth tractament e es sòns emplegats sus es obligacions en matèria de proteccion de donades.

Formacion entàs institucions: Inclod accions formatives en matèria de proteccion de donades adrecades ath personau des responsables e encargadi deth tractament dera Administracion dera Generalitat, des institucions publiques de Catalunya, des entes locaus, des universitats publiques e privades qu’integren eth sistèma universitari catalan e dera rèsta d’entitats publiques de Catalunya. Ei especialament adreçada ara gent referenta en proteccion de donades e ath personau tecnic qu’entre es sues foncions s’encargue de resòlver qüestions vinculades damb era nòrma de proteccion de donades. Tanplan includ accions formatives sectoriaus adrecades as equips tecnics, juridics e d’auti implicadi en tractaments de donades.

Ret de Persones Delegades de Proteccion de Donades de Catalunya: Inclod er impuls e potenciacion dera Comunautat d’Aprenedissatge «DPD en ret», un punt de trobada en Catalunya entàs persones delegades de proteccion de donades de Catalunya, que velen peth compliment dera normativa de proteccion de donades enes organizacions catalanes, a on pòden compartir e méter en comun es sòns coneishements, atau coma es sòns dubtes, hèr formacion e superar era sensacion d’isolament enes sues organizacions.

Privacitat entàs entitats publiques e privades: Inclod era collaboracion damb institucions de referéncia (collegis professionaus, camèrs de comèrç, associacions e d’autes) entà sensibilizar e promòir era innovacion responsabla en matèria de proteccion de donades.

Corsi en collaboracion damb era Escòla d’Administracion Publica de Catalunya (EAPC)