Promocion de còdis de conducta

Es còdis de conducta son mecanismes de compliment volontari enes quaus s’establissen règles especifiques entà categories de responsables o encargats deth tractament damb era tòca de contribuïr ara corrècta aplicacion der RGPD e era LOPDGDD.

Alavetz, es còdis de conducta son documents que recuelhen es principis e directritzes entà facilitar que s’aplique corrèctament era normativa en un determinat sector o encastre d’acòrd damb es sues especificitats. S’an de presentar ara autoritat de contraròtle competenta entà que les apròven, les enregistren e les publiquen.

Pòden promòir còdis de conducta:

Es associacions e auti organismes representatius de categories de persones responsables e encargades deth tractament.
Es enterpreses e grops d’enterpreses.
Es organs, institucions e entitats a que se referís er article 77.1 dera LOPDGDD: organs constitucionaus, administracions publiques, autoritats administratives independentes, universitats publiques, fondacions deth sector public, consòrcis.
Organismes que assumisquen foncions de supervision e resolucion extrajudiciària de conflictes.

Era adesion e eth compliment d’un còdi de conducta ei volontari, e se pòt tier en compde ara ora de demostrar qu'era entitat responsabla e er encargat deth tractament complissen es sues obligacions, mès que mès en moment de hèr era avaloracion d’impacte sus era proteccion de donades.

Era Autoritat Catalana d'Emparament de Donades ei era autoritat competent entà aprovar e regstrar es còdis de conducta promogudi per entitats que forman part de sòn domèni d'actuacion. Deth moment, es còdis de conducta aprovadi son:

An	Entitat promotora	Denominacion deth còdi	Resolucion d'aprovacion
2022	Consorci de Salut e Sociau de Catalonha	Còdi de Conducta entà rth tractament de dades personals en eth domèni de l'atencion social	12/12/2022
2020	Consorci de Salut e Sociau de Catalonha	Còdi de Conducta entà eth tractament de dades personals en eth domèni sanitari	22/12/2020

Accedís ath tràmit

Promocion de còdis de conducta

Destacam