Designar e comunicar un delegat de proteccion de donades

• S'ès ua autoritat o un organisme public (exceptat jutjats e tribunaus).
• S'eth tractament requerís era observacion abituau e sistematica de persones interessades a grana escala.
• S'eth tractament a per objècte categories especiaus de donades personaus (salut, ideologia, religion, etc.) o donades relatives a condemnes o infraccions penaus.També cal nomenar un DPD en els supòsits indicats a l’art. 34 de la LOPDGGD. 

Te cau comunicar es sues donades de contacte ara APDCAT, mejançant eth tramit corresponent disponible ena sedença electronica, o ena autoritat de contraròtle competent.

Te cau auer present qu'eth DPD a de dispausar d’autonomia en exercici des sues foncions; s’a de relacionar damb eth nivèu superior dera direccion e te cau facilitar-li toti es recorsi de besonh entà desvolopar era sua activitat.

Requisits e qualificacions

Quan te calerà nomentar un DPD, te cau tier en compde es sues qualificacions professionaus e, en particular, era sua coneishença dera legislacion e era practica dera proteccion de donades. Non cau ua titulacion especifica, mès es coneishences en dret son de besonh. Tanben cau que compde damb coneishences ath dehòra der encastre estrictament juridic, coma per exemple en matèria de tecnologia aplicada ath tractament de donades o en relacion damb er encastre d’activitat dera organizacion ena quau exercís eth sòn prètzhèt.

Era persona pòt acreditar eth compliment des requisits de qualificacion prevista en RGPD a trauès de mecanismes volontaris de certificacion, qu'auràn particularament en compde era obtencion d’un títol universitari qu'acredite coneishences en dret e era practica en matèria de proteccion de donades. Maugrat açò, se pòden acreditar tanben per aute vies.