Encarregat del tractament

Er encargat deth tractament ei era persona fisica o juridica, autoritat publica, servici o organisme que rend un servici que compòrte eth tractament de donades personaus per compde deth responsable deth tractament.

Eth responsable deth tractament deu escuélher, diligentament, un encargat deth tractament qu’aufrisque garentides sufisentes respècte dera implantacion e era mantenença des mesures tecniques e organizatives apropriades e que garentisque era proteccion des drets des persones afectades.

Era relacion entre eth responsable e er encargat deth tractament s’a d’establir a trauès d’un contracte o d’un acte juridic similar que les restaque, que deu constar per escrit, includit en format electronic, e a d’incorporar eth contengut der article 28.3 der RGPD.blir a través d'un contracte o d'un acte jurídic similar que els vinculi, que ha de constar per escrit, inclòs en format electrònic, i ha d’incorporar el contingut de l’article 28.3 de l’RGPD.

Eth contengut minim deth contracte o acòrd deu preveir, entre d’auti, aspèctes coma:

• Objècte, durada, natura e era finalitat deth tractament.
• Tipe de donades personaus e categories de persones interessades.
• Obligacion der encargat de tractar es donades personaus solament en tot seguir instruccions documentades deth responsable.
• Eth déuer de confidencialitat.
• Condicions entà qu’eth responsable pogue dar era sua autorizacion prealabla, especifica o generau, as soscontractacions.
• Es mesures de seguretat.
• Es drets des persones interessades.
• Eth destin des donades ara fin deth rendement deth servici.

Es encargadi deth tractament an obligacions pròpries qu’establís er RGPD, que non se circomscriuen ar encastre deth contracte que les unís ath responsable. Atau, per exemple:

• Deuen mantier un registre d’activitats de tractament
• Deuen determinar es mesures de seguretat aplicables as tractaments que hèn.
• Deuen designar, s’esquè, un delegat de proteccion de donades.

Es encargadi se pòden aderir a còdis de conducta o certificar-se en quadre des esquèmes de certificacion previsti per RGPD.

Er encargat deth tractament deu complir es instruccions que li da eth responsable deth tractament entath rendement deth servici, mès que mès, en relacion damb eth tractament des donades personaus as quaus a accès coma conseqüéncia deth rendement d’aguest servici.

Er encargat deth tractament pòt adoptar quinsevolha decision organizativa e operacionau de besonh entà rénder eth servici qu’a confiat. En cap cas pòt variar es finalitats e es usatges des donades per çò qu’açò requè en responsable deth tractament, ne pòt utilizar-les entàs sues pròpries finalitats.

S’er encargat deth tractament establís relacions damb es persones afectades en sòn pròpri nòm e sense que cònste qu’agís per compde deth responsable deth tractament, serà considerarat responsable deth tractament, encara que s’age formalizat un contracte d’encomana deth tractament o un aute acte juridic.

S’era encomana deth tractament se hè en quadre dera legislacion de contractes deth sector public, eth contractista aurà era consideracion d’encargat deth tractament en quinsevolh cas, e era administracion adjudicatària aurà era condicion de responsabla deth tractament.

S’er encargat deth tractament emplegue es donades entàs sues pròpries finalitats, tanben serà considerarat responsable deth tractament.

Era comunicacion de donades personaus, en quadre d’un acòrd d’encargat deth tractament, en un país que non hèsque partida dera Union se regís pera regulacion establida en RGPD entàs transferiments internacionaus.

Eth transferiment a un tresau país non pòt supausar en cap cas ua reduccion deth nivèu de proteccion des persones qu’establís eth Reglament. Aguest principi tanben s’aplique enes transferiments posteriors de donades personaus, a compdar deth tresau país a un aute tresau país o a ua organizacion internacionau.

Entath transferiment de donades a païsi que non garentissen un nivèu de proteccion apropriat, eth responsable deu acreditar qu’er encargat deth tractament ei en disposicion d’aufrir garentides adequades. En tot cas, deu garentir qu’es persones interessades compden damb drets exigibles e accions legaus efectives.