Gessudes professionaus dera proteccion de donades

Explòra es gessudes professionaus qu’a era proteccion de donades personaus: 
 
Persona delegada de proteccion de donades: ei era encargada d’exercir foncions preventives e proactives restacades damb eth Reglament Europèu de proteccion de Donades. Supervise, coordine e divulgue era politica de proteccion de donades dera organizacion. Tanben ei eth punt de contacte damb era autoritat de contraròtle, coma era Autoritat Catalana d’Emparament de Donades. 
 
Persona expèrta en ciberseguretat e privacitat: ei especializada en ciberseguretat e protegís es donades en poder d’entitats e enterpreses, en un mon digitau en qu’era tecnologia auance rapidament. Era seguretat des sistèmes ei fondamentau, mès que mès deuant es ciberataques, que son cada viatge mès freqüentes e complèxes. Bèri ròtles des persones expèrtes en aguest encastre son:

• Especialista de seguretat en hilats e privacitat. 
• Consultor/a de seguretat de sistèmes d’informacion. 
• Auditor/a de seguretat de sistèmes d’informacion. 
• Administrador/a de hilats e sistèmes. 
• Expèrt legista. 
• Implantador/a de sistèmes de gestion dera seguretat dera informacion (SGSI). 
• Consultor/a de projèctes d’administracion electronica. 
• Expèrt/a en desvolopament d’aplicacions e servicis web segurs.

Investigador en camp des PET (Privacy Enhancing Technologies) : hè recèrca de tecniques de darrèra generacion, entà melhorar era privacitat e desvolopar modèls de solucions de privacitat.

Engenhaire de privacitat: cree airines e procèssi que apliquen mesures de proteccion dera privacitat as donades personaus. Intègre era proteccion dera privacitat enes sistèmes e inspeccione eth còdi abans de desplegar-lo, entà avalorar-ne eth risc.