Consentiment

En cas deth consentiment exprimit, era persona deu manifestar de manèra clara e indobtabla qu’ei d’acòrd damb eth tractament des sues donades personaus. Un exemple ei mercar en un formulari un caleishon que ditz "Accèpti eth tractament des mies donades".

Per contra, era nomativa exigís eth consentiment explicit quan se vòlen tractar categories especiaus de donades; quan eth tractament implique decisions individuaus automatizades, includida era elaboracion de perfils; e enes transferiments internacionaus de donades. Deuant d'aguesti tractaments, era persona interessada deu manifestar eth sòn consentiment de manèra mès evidenta. Per exemple, damb ua declaracion escrita e signada, maugrat que s’admeten d’autes formes que permeten acreditar ath responsable deth tractament que se complissen totes es condicions deth consentiment, coma: emplir un formulari electronic; manar un corrèu electronic; cargar un document escanerizat damb era signatura; e declaracions verbaus.

Non Er RGPD preve bères situacions enes quau eth consentiment a d’èster explicit. Aguesta garentida addicionau afècte es casi següenti: tractament de categories especiaus de donades, adopcion de decisions automatizades e transferiments internacionaus.

Ei ua declaracion indobtabla o ua accion afirmativa clara. Entàs efèctes der RGPD, es caleishons ja mercadi, eth consentiment tacit o era inaccion non son un consentiment valid.

Eth consentiment non ei era unica basa entà tractar donades personaus. Er RGPD preve d’autes possibilitats entà legitimar es tractaments de donades, per exemple: eth compliment d’ua obligacion legau o er exercici de foncions publiques.

Auetz dret a revocar-lo en quinsevolh moment. Retirar-lo deu èster tan simple coma render-lo. Era retirada deth consentiment non a efèctes retroactius e, donques, eth tractament prealable ara retirada contunha d’èster licit.

Non. Aguesta forma de consentiment non s’adapte as exigéncies der RGPD.