Enregistrar e publicar es activitats de tractament

Solament s’excludissen d’aguesta obligacion es entitats de mens de 250 trabalhadors qu'amien a tèrme tractaments sense risc entàs drets e es libertats des persones, o damb un risc ocasionau, cada viatge que non tracten categories especiaus de donades o donades personaus relatives a condemnes e infraccions penaus.

Es entitats deth sector public, responsables e encargades deth tractament, an de hèr public un inventari des sues activitats deth tractament accessible per mejans electronics, a on s’indique:

• Nòm e donades de contacte deth responsable e, s'esquè, deth corresponsable, e tanben deth delegat de proteccion de donades, se n’i a.
• Finalitats deth tractament.
• Basa juridica deth tractament.
• Descripcion de categories de persones interessades e categories de donades personaus tractades.
• Categories de destinataris.
• Transferiments internacionaus de donades.
• Quan serà possible, es tèrmes previsti entà suprimir es donades.
• Quan serà possible, ua descripcion generau des mesures tecniques e organizatives de seguretat.

Com s’a d’organizar eth registre d’operacions de tractament?

Eth registre se pòt organizar ath torn d’operacions de tractament concrètes, vinculades a ua finalitat basica comuna de totes eres (per exemple, de gestion de clients, de gestion comptable o de gestion de recorsi umans e huelhs de salaris), o ben d’acòrd damb auti critèris diferenti.