Organs de govèrn

Coneish es organs de govèrn dera Autoritat Catalana d'Emparament de Donades: era Direccion e eth Conselh Assessor d'Emparament de Donades.

Direccion

Meritxell Borràs i Solé ei era directora dera APDCAT a compdar de hereuèr de 2022. Eth Plen deth Parlament ei qui designe era persona ath deuant dera Autoritat, per majoritat de tres cincaus parts, a prepausa deth Conselh Assessor de proteccion de Donades, e entà un periòde de cinc ans renauibles un solet còp.

Era sua mission ei dirigir e representar era institucion damb independéncia e objectivitat. Entre es sues foncions i a era de dictar resolucions e instruccions e aprovar recomanacions e dictamens dera Autoritat.

Saber mès

Conselh Assessor d'Emparament de Donades

Eth Conselh Assessor de Proteccion de Donades ei er organ d’assessorament e participacion dera APDCAT. Es foncions deth Conselh Assessor son es següentes:

Prepausar ath Parlament era persona o es persones candidates entà dirigir era Autoritat.

Eméter un repòrt sus es projèctes d’instruccions dera Autoritat que li siguen sometudi.

Eméter un repòrt sus er avantprojècte de budget annau dera Autoritat qu’eth director o directora prepause.

Assessorar eth director o directora dera Autoritat en aqueres qüestions que li siguen sometudes.

Elaborar un repòrt preceptiu prealable ara aprobacion dera lista deth personau dera Autoritat.

Elaborar un repòrt constrenhent sus eth nombre maximau d’emplegats eventuaus dera Autoritat.

Elaborar estudis e prepauses en matèria de proteccion de donades de caractèr personau e demanar ath director o directora er establiment de critèris ena matèria.

Saber mès