Catalògs de servicis

Era Autoritat Catalana d'Emparament de Donades (APDCAT) ei un organisme independent que s’encuede de garentir es drets ara proteccion de donades personaus e d’accès ara informacion que i ei restacada, en encastre des competéncies dera Generalitat.

• Defenem es drets des ciutadans: resolvem es denóncies e reclamacions que presenten es persones quan es entitats e organizacions non acomplissen eth reglament europèu de Proteccion de donades e era normativa qu’ac complète.
• Aconselham as organizacions: facilitam informacion e recorsi as entitats e les aconselham en compliment dera normativa de Proteccion de donades. Promoiguem ua innovacion tecnologica respectuosa damb eth dret ara proteccion de donades e era confidencialitat.
• Fomentam era formacion e era conscientizacion: impulsam corsi, jornades e talhèrs. Elaboram materiaus divulgatius entà difóner es drets e es obligacions que garentissen era confidencialitat e eth dret ara proteccion de donades des ciutadans.
• Supervisam es entitats: contrarotlam qu’es entitats der encastre public catalan complisquen era normativa de Proteccion de donades. Tanben supervisam ath sector privat que rend servicis (art. 3 Lei 32/2020), coma enterpreses de servicis TIC, informatica ena broma, educacion, salut, entre d’auti. Egaument, les aconselham entà introdusir era confidencialitat a compdar der inici de cada projècte.

Era APDCAT gerís dirèctament es servicis objècte d’aguest catalòg. Compde damb ua equipa de professionaus expèrt, comprometut e especializat ena proteccion des drets e libertats des persones fisiques en tractament de donades personaus.

Era APDCAT aufrís un servici d’atencion ath public, ath que pòt adreçar-se quinsevolha persona entà sollicitar informacion, presentar ua queisha o consultar dobtes sus era aplicacion dera legislacion de Proteccion de donades personaus.

Prètz: Sense còst entara persona interessada.

Es nòsti compromesi de qualitat: Es compromesi son exigibles enes condicions que se detalhen seguidament, cada viatge qu’es servicis poguen render-se en ua situacion de normalitat; ei a díder, que non siguen perturbadi per causa d’azard o de fòrça majora qu’afècten eth sòn rendement.

Compromesi:

• Respóner as consultes d’informacion recebudes en un tèrme maximau de 7 dies obrants.
• Mantier ua mejana de demora inferiora a 5 menutes ena atencion telefonica.
• Aufrir un tracte atent e aimable.

Seguiment e avaloracion deth servici:

• Nombre de consultes presentades annaument.
• Nombre de consultes responudes laguens deth tèrme.

Era persona interessada a dret a saber s’era APDCAT tracte es sues donades personaus. En cas afirmatiu, a dret a accedir-i e obtier informacion addicionau sus eth tractament; sollicitar qu’es donades se rectifiquen quan seràn inexactes o incomplètes; que, en cèrti casi, es donades que l’afècten se suprimisquen; opausar-se a que se tracten, en cèrti casi; o sollicitar era limitacion deth tractament des sues donades, enes condicions legaument previstes.

Prètz: Sense còst entara persona interessada.

Nòsti compromesi de qualitat: Es compromesi son exigibles enes condicions que se detalhen seguidament, cada viatge qu’es servicis poguen render-se en ua situacion de normalitat; ei a díder, que non siguen perturbadi per causes d’azard o de fòrça majora qu’afècten eth sòn rendement.

Compromés:

• Resòlver era sollicitacion en tèrme de 1 mes. Aguest tèrme pòt arribar a èster de 3 mesi, en tot auer en compde era complexitat e eth nombre de sollicitacions.

Seguiment e avaloracion deth servici:

• Nombre de peticions presentades annaument.
• Nombre de peticions resolvudes laguens deth tèrme.

Es persones interessades pòden presentar ua reclamacion ara APDCAT quan ua entitat publica o que rende servicis publics en Catalonha les denègue, en partida o totaument, era sollicitacion d’accès, rectificacion, supression, limitacion deth tractament, portabilitat, oposicion o non èster objècte de decisions individuaus automatizades, includida era elaboracion de perfils. Tanben, quan non aurà recebut responsa ara sollicitacion laguens deth tèrme establit pera normativa.

S’era entitat demore dehòra der encastre competenciau dera APDCAT, era Autoritat traslade era reclamacion ara Agéncia Espanhòla de Proteccion de Donades (AEPD) e ac informe ara persona interessada(AEPD) Entà obtier informacion sus eth tramit des reclamacions trasladades ara AEPD, era persona interessada a d’adreçar-se dirèctament a dita agéncia.

Prètz: Sense còst entara persona interessada.

Es nòsti compromesi de qualitat: Es compromesi son exigibles enes condicions que se detalhen seguidament, cada viatge qu’es servicis poguen render-se en ua situacion de normalitat; ei a díder, que non siguen perturbadi per causes d’azard o de fòrça majora qu’afècten eth sòn rendement.

Compromesi:

• Resòlver era reclamacion en un tèrme de 6 mesi. En cas de reclamacions restacades damb eth tractament de donades entara prevencion, investigacion e enjudiciamient d’infraccions e sancions penaus, eth tèrme ei de 3 mesi.
• S’era entitat demore dehòra der entorn competenciau dera APDCAT, era Autoritat traslade era reclamacion ara Agéncia Espanhòla de Proteccion de Donades (AEPD) en un tèrme de 30 dies obrants.

Seguiment e avaloracion deth servici:

• Nombre de reclamacions presentades annaument.
• Nombre de reclamacions resolvudes.

Quinsevolha persona pòt denonciar deuant dera APDCAT un hèt que pogue constituïr ua infraccion en matèria de proteccion de donades personaus.

S’era entitat objècte dera denóncia demore dehòra der entorn competenciau dera APDCAT, era Autoritat traslade era reclamacion ara Agéncia Espanhòla de Proteccion de Donades (AEPD) e ac informe ara persona interessada. Entà obtier informacion sus eth tramit des denóncies trasladades ara AEPD, era persona interessada a d’adreçar-se dirèctament ara agéncia.

Prètz: Sense còst entara persona interessada.

Es nòsti compromesi de qualitat: Es compromesi son exigibles enes condicions que se detalhen seguidament, cada viatge qu’es servicis poguen render-se en ua situacion de normalitat; ei a díder, que non siguen perturbadi per causes d’azard o de fòrça majora qu’afècten eth sòn rendement.

Compromesi:

• Quan es hèts denonciadi s’atribuïràn a ua persona o entitat includida laguens der entorn d’accion dera APDCAT, er Airau d’Inspeccion e Tecnica daurís ua fasa d’investigacion.
• S’era entitat demore dehòra der entorn competenciau dera APDCAT, era Autoritat traslade era reclamacion ara Agéncia Espanhòla de Proteccion de Donades (AEPD), en un tèrme de 30 dies obrants.

Seguiment e avaloracion deth servici:

• Nombre de denóncies presentades annaument.
• Nombre de dorsièrs sancionadors resolvudi annaument.

Aguest tramit permet exercir eth dret d’accès ara informacion publica dera que dispause era Autoritat Catalana d'Emparament de Donades (APDCAT). Ac pòden exercir tant es persones fisiques (a compdar des 16 ans) coma es juridiques.

Ei important indicar que, cossent damb era disposicion addicionau prumèra dera Lei 19/2014, de 29 de deseme, de transparéncia, accès ara informacion publica e bon govèrn (LTC), er accès des persones interessades as documents que hèn partida de procediments administratius en tramit se regís per çò que determine era legislacion sus regim juridic e procediment administratiu. En cas des matèries qu’an establit un regim d’accès especiau, dit accès se regule pera sua normativa especifica e, damb caractèr supletòri, pera LTC.

Prètz: Sense còst entara persona interessada.

Totun, eth liurament de còpies e era transpausicion a formats desparièrs der originau pòden èster assubjectits a ua contraprestacion economica establida pera ordenança fiscau corresponenta, se correspon.

Es nòsti compromesi de qualitat: Es compromesi son exigibles enes condicions que se detalhen seguidament, cada viatge qu’es servicis poguen render-se en ua situacion de normalitat, ei a díder, que non siguen perturbadi per causes d’azard o de fòrça majora qu’afècten eth rendement.

Compromés:

• Resòlver era sollicitacion en un tèrme d’un mes.

Seguiment e avaloracion deth servici:

• Nombre de sollicitacions presentades annaument.
• Nombre de sollicitacions resolvudes laguens deth tèrme.